Өнөөдөр Азийн хөгжлийн банкны Зүүн Азийн газрын Төрийн удирдлага, бүс нутгийн хамтын ажиллагаа, санхүүгийн салбарын захирал Эмма Фан болон бусад төлөөлөлтэй уулзаж Монгол Улсын чөлөөт бүсүүдийн өнөөгийн нөхцөл байдлын талаар санал солилцож, өмнө нь хамтран зохион байгуулсан хэлэлцүүлгээр гаргасан санал, зөвлөмжүүдийн талаар ярилцлаа.

Төрийн албаны зөвлөлийн 2023 оны 25 дугаар тогтоолоор батлагдсан “Төрийн албаны шалгалт өгөх болзол болон шатлан дэвшүүлэх, сонгон шалгаруулах журам”-ын 4 дүгээр зүйлийн 4.2-т заасны дагуу төрийн өөр байгууллага, нэгж хооронд шилжин ажиллахыг хүссэн төрийн холбогдох бусад байгууллагад ажиллаж байгаа төрийн жинхэнэ албан хаагчдыг дараах албан тушаалд холбогдох материалаа цахим шуудангаар ирүүлэхийг урьж байна. Тавигдах болзол, шаардлага: Төрийн жинхэнэ албан тушаалд зохих ёсоор томилогдсон байх; Зарлагдсан албан тушаалтай адил төрөл болон адил ангилалд ажилладаг байх; Зарлагдсан албан тушаалын тодорхойлолтод заасан тусгай шаардлагыг хангасан байх

НҮБ-ын Ерөнхий Ассамблейн 2015 оны 9 дүгээр сард зохион байгуулагдсан Тогтвортой хөгжлийн дээд хэмжээний чуулга уулзалтаар  нийгэм, эдийн засаг, байгаль орчин  гэсэн тогтвортой хөгжлийн гурван тулгуурт суурилан ядуурал, өлсгөлөнг эцэслэх, эх дэлхийгээ хамгаалах, шударга ёсыг дээдлэх, ялгаварлал, тэгш бус байдлыг арилгах зэрэг 17 зорилго, 169 зорилт бүхий 2030 он хүртэлх дэлхий нийтийн урт хугацааны бодлогын баримт бичиг болох Тогтвортой хөгжлийн зорилго (ТХЗ)-ыг тунхаглан баталсан.

Эдийн засаг, хөгжлийн яамны Төрийн нарийн бичгийн даргын үүргийг түр орлон гүйцэтгэгч Б.Дашпүрэв 2023 оны 4 дүгээр сарын 14-ний өдөр Барилга, хот байгуулалтын яам, Зам, тээврийн хөгжлийн яам, Барилга хөгжлийн төвийн төлөөлөл бусад холбогдох байгууллагуудын төлөөллийн хамт Алтанбулаг, Цагааннуур чөлөөт бүсүүдийн Хөгжлийн ерөнхий төлөвлөгөөний гүйцэтгэлийн явцтай танилцлаа. Тус уулзалтаар Хөгжлийн ерөнхий төлөвлөгөө боловсруулах ажилд тулгамдаж асуудлыг хэлэлцэн, ойрын хугацаанд дуусгаж хүлээлгэн өгөхөд анхаарч ажиллах чиглэлээр холбогдох талуудад үүрэг даалгавар өгөв.

Хөрөнгө оруулалтын тухай хуулийн шинэчилсэн найруулгын төсөл-д санал авч байна.

Эдийн засаг, хөгжлийн яамнаас албан хаагчдадаа зориулан зохион байгуулж буй “ХӨГЖЛИЙН ЦАГ” нээлттэй цуврал хэлэлцүүлгийн гурав дахь дугаарт Монгол Улсын их сургуулийн Эдийн засгийн тэнхимийн багш, доктор, профессор, Эдийн засгийн хүрээлэнгийн захирал Х.Цэвэлмаа оролцлоо. Энэ удаагийн дугаарт кластерын тухай ойлголт, түүний бодлого, улс орны өрсөлдөх чадварт үзүүлэх нөлөө, Монгол Улсын кластерын хөгжлийн боломж нөөц, өнөөгийн сул талын талаар илтгэл танилцуулж, кластерын бодлогоор жижиг, дунд үйлдвэрийг хөгжүүлэхийн тулд цаашид авч хэрэгжүүлэх арга хэмжээний талаар санал солилцлоо. Тус цуврал хэлэлцүүлэг нь яамны албан хаагчдад ажлын байрандаа суралцаж, өөрийгөө хөгжүүлэх боломжийг бий болгох, харилцан мэдээлэл, туршлага солилцох зорилготой бөгөөд цаашид олон улсын байгууллагуудын төлөөлөл, хөгжлийн судалгааны чиглэлээр олонд танигдсан эрхмүүдийг урьж, хувь хүний болон улс орны хөгжлийн тухай сонирхолтой яриа, хэлэлцүүлгийг өрнүүлнэ.

Монгол Улсын Засгийн газраас 2022 оны 04 дүгээр сарын 05-ны өдөр Улсын Их Хуралд өргөн мэдүүлсэн Төр, хувийн хэвшлийн түншлэлийн тухай хуулийн төслийг Улсын Их Хурлын чуулганы 2022 оны 12 дугаар сарын 09-ний өдрийн нэгдсэн хуралдаанаар хэлэлцэн баталсан. Төр, хувийн хэвшлийн түншлэлийг нийтийн зориулалттай дэд бүтэц, төрийн үйлчилгээний салбарт хэрэгжүүлнэ.

Эдийн засаг, хөгжлийн дэд сайд Г.Түвдэндорж Данийн Хаант Улсаас Монгол Улсад хавсран суух Элчин сайд Томас Өструп Мөллэр болон албаны бусад хүмүүсийг хүлээн авч уулзлаа. Уулзалтаар Дани Улсын ногоон хөгжлийн туршлагын талаар ярилцаж тус чиглэлээр Монгол Улсад хөрөнгө оруулалт татах, талууд цаашид хамтран ажиллах боломжийн талаар санал солилцов. Мөн Данийн Хаант Улсын хувийн хэвшлийн төлөөлөл, хөрөнгө оруулагчид, бизнес эрхлэгчдийг Монгол Улсын Ерөнхийлөгчийн ивээл дор зохион байгуулагдах “Дэлхийн экспортыг дэмжих чуулга уулзалт”-д урьж талууд Ковид-19 цар тахлын дараа хоёр талт харилцаагаа дахин сэргээж буйдаа таатай байгаагаа илэрхийллээ.

“Эдийн засгийн хамтын ажиллагааны бүс хөгжүүлэх төсөл”-ийн удирдах хорооны дарга, Эдийн засаг, хөгжлийн яамны Төрийн нарийн бичгийн даргын албан үүргийг түр орлон гүйцэтгэгч Б.Дашпүрэв төслийн гүйцэтгэгч компаниудын хийж гүйцэтгэсэн ажлын явцтай танилцлаа.

Эдийн засаг, хөгжлийн дэд сайд Г.Түвдэндорж Оросын Холбооны Улсын Бүгд Найрамдах Башкортостан Улсын Гадаад худалдаа, эдийн засгийн харилцаа болон бизнес үйл ажиллагааны нэгдүгээр орлогч сайд Л.М.Изотова тэргүүтэй төлөөллүүдтэй уулзлаа. Уулзалтаар Монгол Улс, ОХУ-ын Бүгд Найрамдах Башкортостан Улсын хооронд худалдаа, аж үйлдвэрийн харилцан ашигтай харилцаа хөгжүүлэх асуудлаар санал, мэдээлэл солилцож Монгол Улсаас ноолуур, арьс ширэн бүтээгдэхүүн экспортлох боломжийг эрэлхийлж, талуудын худалдааны харилцааг өргөжүүлж, хамтарч ажиллах боломжтой талаар ярилцлаа.