Монгол Улсын Хөгжлийн банкны хувьцаа эзэмшигчдийн ээлжит хурал боллоо

Монгол Улсын Хөгжлийн банкны хувьцаа эзэмшигчдийн ээлжит хурал 2025 оны 04- р сарын 30-ны өдөр Эдийн засаг, хөгжлийн яаманд зохион байгуулагдлаа. Хурлаар Хөгжлийн банкны гүйцэтгэх удирдлага банкны 2024 оны үйл ажиллагааны болон аудитаар баталгаажсан санхүүгийн тайланг танилцуулж, цаашид авч хэрэгжүүлэх бодлого, зорилтоо хувьцаа эзэмшигчид танилцуулав. Хөгжлийн банк засаглал, менежментээ олон улсын стандартад нийцүүлэх, санхүүгийн үзүүлэлтээ сайжруулах, балансаа тэнцвэржүүлэх зорилгоор хууль эрх зүйн шинэчлэл хийж байгааг онцлов. Түүнчлэн ТУЗ-ийн 2024 оны үйл ажиллагааны тайланг ТУЗ-ийн дарга танилцуулж, цаашид анхаарч ажиллах чиглэл, бодлогоо тодорхойлов. Монгол Улсын Хөгжлийн банкны 2024 оны үйл ажиллагааны болон аудитаар баталгаажсан санхүүгийн тайланг Төрийн эзэмшлийн хувьцааг эзэмшигчийн эрхийг хэрэгжүүлэгч дүгнэн баталгаажуулж, Монгол Улсын Их Хуралд хүргүүлэхээр шийдвэрлэлээ.