Монгол Улсын Засгийн газрын 2024-2028 оны үйл ажиллагааны хөтөлбөрийн 3.3.3.14-т “Ус хуримтлуурт усан цахилгаан станц болон дотоодын урсгалтай голуудад усан цахилгаан станц барих төслүүдэд дэмжлэг үзүүлж, хувийн хэвшлийн хөрөнгө оруулалтаар хэрэгжүүлнэ.”, 3.3.3.35-т “Нэгдсэн сүлжээний горим тохируулах үүрэг бүхий 100 МВт хүртэл хүчин чадал бүхий усан цэнэгт цахилгаан станц барина.” гэж тус тус заасан.
Хэнтий аймгийн Цэнхэрмандал сумын нутаг дэвсгэрт 100 МВт-ын суурилагдсан хүчин чадалтай усан цэнэгт цахилгаан станц /тус станцыг цэнэглэх зорилгоор нарны эх үүсвэртэй байж болно/-ын түншлэлийн төслийг Төр, хувийн хэвшлийн түншлэлийн тухай хуулийн 23 дугаар зүйлийн 23.2-т заасны дагуу урьдчилан зарлаж байна.
Төр, хувийн хэвшлийн түншлэлийн тухай хуулийн 23 дугаар зүйлийн 23.5-т заасны дагуу уг түншлэлийн төслийг хэрэгжүүлэх сонирхолтой хувийн хэвшил нь төслийг хэрэгжүүлэх сонирхлоо илэрхийлсэн саналаа 2025 оны 10 дугаар сарын 01-ны өдрөөс өмнө Эдийн засаг, хөгжлийн яаманд ирүүлнэ үү.
Түншлэлийн төслийн талаар сонирхож буй хувь хүн, аж ахуйн нэгжүүдэд тодруулга, мэдээлэл өгөх нэгдсэн уулзалтыг 2025 оны 09 дүгээр сарын 05-ний 10:00 цагт Төр, хувийн хэвшлийн түншлэлийн төвийн байранд зохион байгуулна.Төслийн талаарх нэмэлт мэдээллийг Төр, хувийн хэвшлийн түншлэлийн төв, Төсөл хөгжүүлэлтийн газрын 75883377,99016425 утсаар лавлана уу?
Төслийн товч танилцуулгатай энд дарж танилцана уу.
