Эдийн засаг, хөгжлийн яамны Төрийн нарийн бичгийн дарга И.Батхүү Данийн Хаант Улсаас Монгол Улсад хавсран суух Онц бөгөөд Бүрэн эрхт Элчин сайд Майкл Старбэк Кристэнсэнийг хүлээн авч уулзлаа.
Уулзалтаар хоёр улсын худалдаа, эдийн засгийн хамтын ажиллагааг өргөжүүлэх, бэхжүүлэх чиглэлээр санал солилцож, хөдөө аж ахуй, сэргээгдэх эрчим хүч, ногоон шилжилтийн чиглэлээр хамтарч ажиллах, Данийн Хаант Улсаас Монгол Улсад оруулах хөрөнгө оруулалтыг нэмэгдүүлэх талаар ярилцлаа.
