Эдийн засаг, хөгжлийн яамны Төрийн нарийн бичгийн дарга И.Батхүү Олон улсын валютын сангийн Дүрмийн IV заалтын дагуу ажиллаж буй Ажлын хэсгийг хүлээн авч уулзлаа.
Уулзалтаар макро эдийн засгийн өнөөгийн нөхцөл байдал, төсөөлөл, гадаадын хөрөнгө оруулалтыг нэмэгдүүлэх чиглэлээр хэрэгжүүлж буй арга хэмжээг танилцуулж, эдийн засгийн өсөлтөд нөлөөлөх хүчин зүйлс, салбаруудад хэрэгжүүлэх бодлого тэр дундаа хөдөө аж ахуй, эрчим хүчний салбарын шинэчлэлийн эдийн засагт үзүүлэх нөлөөлөл, төсвийн зарцуулалт, үүсэж болох эрсдэлээс сэргийлэх, удирдах зэрэг эдийн засаг, төсвийн асуудлаар дэлгэрэнгүй санал солилцов. Мөн гадаад орчинд өрнөж буй олон улсын худалдааны нөхцөл байдал, ирэх жилүүдэд Монгол Улсын эдийн засагт үзүүлэх нөлөөллийн талаар санал солилцлоо.
