Шинжлэх ухаан, технологийн салбарын 2026 оны эрдэм шинжилгээний шилдэг бүтээлийн шагналд нэр дэвшүүлэх бүтээл, холбогдох баримт бичгийг хүлээн авч байна.
Эрдэм шинжилгээний шилдэг бүтээлийг дараах 2 төрөлд сонгон шалгаруулна. Үүнд:
- Ном, нэг сэдэвт бүтээл;
- Эрдэм шинжилгээний өгүүлэл.
Эрдэм шинжилгээний шилдэг бүтээлийг шинжлэх ухааны үндсэн салбар тус бүрээр бүртгэн хүлээн авна. Үүнд:
- Анагаахын шинжлэх ухаан, эрүүл мэнд;
- Байгалийн ухаан;
- Инженерчлэл, технологи;
- Хөдөө аж ахуйн шинжлэх ухаан;
- Хүмүүнлэгийн ухаан;
- Нийгмийн шинжлэх ухаан.
Эрдэм шинжилгээний шилдэг ном:
Судалгааны ажлын үр дүнг боловсруулан туурвиж, 2024, 2025 онд хэвлэгдсэн, “Эрдэм шинжилгээний шилдэг бүтээл шалгаруулж, урамшуулах журам”-ын 2 дугаар бүлэгт заасан шаардлагыг хангасан ном, нэг сэдэвт бүтээлийг эрдэм шинжилгээний шилдэг номын төрөлд нэр дэвшүүлнэ.
Эрдэм шинжилгээний шилдэг номын төрөлд нэр дэвшүүлэх бүтээлийн холбогдох баримт бичгийг дээрх журмын 3.3-т заасан бүрдлийн дагуу бүрэн гүйцэд бүрдүүлсэн материалыг 2026 оны 09 дүгээр сарын 30-ны өдрийн 17.00 цаг хүртэл Эдийн засаг, хөгжлийн яамны 604 тоот өрөөнд хүлээн авна.
Баримт бичгийн бүрдэл дутуу, тогтоосон хугацаа хэтэрсэн материалыг хүлээн авахгүй болохыг анхаарна уу.
Эрдэм шинжилгээний шилдэг өгүүлэл:
Сонгон шалгаруулах комисс журамд заасны дагуу эрдэм шинжилгээний өгүүллийг Springer Nature хэвлэлийн газрын Dimensions мэдээллийн сангаас гаргадаг эшлэл, үр дүнгийн тайлан болон “Эрдэм шинжилгээний шилдэг бүтээл шалгаруулж, урамшуулах журам”-д заасан шаардлагад үндэслэн шалгаруулдаг тул эрдэм шинжилгээний өгүүллийн материалыг судлаачдаас хүлээн авахгүй болно.
Дэлгэрэнгүй мэдээллийг Эдийн засаг, хөгжлийн яамны 51-263565 дугаарын утсаар лавлана уу.
Журамыг ЭНДЭЭС ТАТАЖ харна уу.
ЭДИЙН ЗАСАГ, ХӨГЖЛИЙН ЯАМ
ШИНЖЛЭХ УХААН, ТЕХНОЛОГИЙН БОДЛОГО, ТӨЛӨВЛӨЛТИЙН ГАЗАР
