ГАДААДЫН ТӨРИЙН ӨМЧИТ ХУУЛИЙН ЭТГЭЭДИЙН ХӨРӨНГӨ ОРУУЛАЛТ ХИЙХ ХҮСЭЛТИЙГ ХҮЛЭЭН АВЧ, ШИЙДВЭРЛЭХ ЖУРМЫН ТӨСӨЛД САНАЛ АВЧ БАЙНА.

2026 оны 07 дугаар сарын 03-ны өдөр батлагдсан Хөрөнгө оруулалтын тухай хуульд нэмэлт, өөрчлөлт оруулах тухай хууль 2026 оны 08 дугаар сарын 31-ний өдрөөс эхлэн хүчин төгөлдөр мөрдөгдөж байна. Тус хуулийн 22 дугаар зүйлийн 22.8 дахь хэсэгт оруулсан нэмэлтээр “Гадаадын төрийн өмчит хуулийн этгээдийн хөрөнгө оруулалт хийх хүсэлтийг хүлээн авч, шийдвэрлэх журам”-ыг Засгийн газар батлахаар заасан.

Энэ хүрээнд тус журмын төслийг боловсруулж, олон нийтээс санал авч байна.

Журмын төсөлд хүсэлт, холбогдох баримт бичгийг хүлээн авах, хүсэлтийг нягтлах, холбогдох байгууллагаас санал, дүгнэлт авах, ажлын хэсгийн бүрэлдэхүүн, ажиллах журам, шийдвэр гаргах, мэдэгдэхтэй холбоотой харилцааг тусгасан.

Иргэд, аж ахуйн нэгж, байгууллага та бүхэн журмын төсөлтэй танилцаж, саналаа 2026 оны 10 дугаар сарын 18-ны өдрийг дуустал myagmarsuren.j@med.gov.mn имэйл хаягаар ирүүлнэ үү.