Эдийн засаг, хөгжлийн яам, Парисын хэлэлцээр болон Монгол Улсын урт хугацааны хөгжлийн бодлоготой уялдсан “Хүлэмжийн хийн ялгарлыг буруулах урт хугацааны үзэл баримтлал, стратегийн замын зураг боловсруулах төсөл”-ийн суурь тайлангийн үр дүн, дүгнэлтийг хэлэлцэх, санал солилцох “Оролцогч талуудын зөвлөлдөх семинар”-ыг 2024 оны 5 дугаар сарын 02-03-ны өдрүүдэд амжилттай зохион байгууллаа.

Дунд хугацааны төсвийн бодлогын баримт бичгийг боловсруулахад олон талт оролцоог хангах хүрээнд олон нийтэд нээлттэй санал асуулгыг цахимаар явуулж аван санал, дүгнэлт, тусгагдсан байдал зэргийг нэгтгэн хүргэж байна. 

Эдийн засаг, хөгжлийн яам,  Нэгдсэн Үндэстний Байгууллагын Хөгжлийн хөтөлбөр, Байгаль орчин, аялал жуулчлалын яам болон Германы Засгийн Газар хамтран уур амьсгалын өөрчлөлтийн үйл ажиллагааны олон талт оролцоо, хамтын ажиллагааг өргөжүүлэх зорилготой “Амлалтаас үйл ажиллагаанд: Монгол Улсын Үндэсний тодорхойлсон хувь нэмэр болон Хүлэмжийн хийн ялгарал багатай урт хугацааны хөгжлийн стратеги” семинарыг амжилттай зохион байгууллаа.

Монгол Улсад НҮБ-аас 2023-2027 онд хэрэгжүүлэх “Тогтвортой хөгжлийн хамтын ажиллагааны хүрээ” баримт бичгийн хэрэгжилтийг хянах, үндэсний хөгжлийн тэргүүлэх чиглэл, бүс нутаг, олон улсын хөгжлийн чиг хандлагатай уялдуулан зөвлөмж дүгнэлт гаргах үүрэгтэй Засгийн газар, НҮБ-ын хамтарсан Удирдах хорооны 3 дахь хурал өнөөдөр өргөтгөсөн байдлаар амжилттай зохион байгуулагдлаа. 

Дунд хугацааны төсвийн бодлогын баримт бичгийг боловсруулахад олон талт оролцоог хангах хүрээнд олон нийтэд нээлттэй санал асуулгыг цахимаар явуулж байна. Та дунд хугацааны төсвийн бодлогын баримт бичигт хүргэх саналаа дараах холбоосоор илгээх боломжтой.

Эдийн засаг, хөгжлийн яамнаас “Дунд хугацааны төсвийн хүрээний мэдэгдэл”-ийн төсөл боловсруулж буйтай холбогдуулан олон нийтийн хэлэлцүүлгийг 2024 оны 3 дугаар сарын 29-ны өдөр зохион байгуулах гэж байна.

Эдийн засаг, хөгжлийн дэд сайд Г.Түвдэндорж Холбооны  Цахим хөгжил, зам тээврийн сайд Др. Фолькер Виссинг тэргүүтэй ХБНГУ-ын Бундестагийн гишүүд, Холбооны Цахим хөгжил, зам тээврийн яамны төлөөлөгчидтэй уулзлаа.

БНХАУ-ын Олон Улсын Худалдааг Дэмжих Хорооны Хармөрөн мужийн зөвлөлийн дэд тэргүүн, Хармөрөн аймгийн олон улсын үзэсгэлэн экспо хөгжлийг дэмжих төвийн захирал Тан Байчэнг тэргүүтэй, Хармөрөн мужын Засгийн Газрын Эдийн засаг, худалдааны төлөөлөгчдийн баг бүрэлдэхүүнийг 2024 оны 02 дугаар сарын 29-ний өдөр Эдийн засаг, хөгжлийн яамны дэд сайд Г.Түвдэндорж хүлээн авч уулзлаа.

ОУВС-ийн Казахстан дахь бүсийн техник туслалцааны төв (CCAMTAC-The Caucasus, Central Asia, and Mongolia Regional Capacity Development Center)-өөс 2024 оны 02 дугаар сарын 26-27-ны өдрүүдэд Бүгд найрамдах Казахстан Улсын Алматы хотод зохион байгуулж буй “Макро-Төсөв” сэдэвт туршлага солилцох семинарт Эдийн засаг, хөгжлийн яамны Төрийн нарийн бичгийн дарга И.Батхүү болон ЭЗХЯ, СЯ-ны холбогдох албан хаагчид оролцож байна.

Нэгдсэн бодлого, төлөвлөлтийн газрын ахлах мэргэжилтэн Г.Төгөлдөр олон улсад зарласан “Center for Development Economics” хөтөлбөрт өрсөлдөн тэнцэж, 100 хувийн тэтгэлгээр “Хөгжлийн эдийн засаг” мэргэжлээр Америкийн Нэгдсэн Улсын “Виллиамс коллеж” их сургуульд суралцахаар боллоо.