Транспаренси Интернэшнл олон улсын байгууллагаас жил бүр тооцон гаргадаг Авлигын төсөөллийн индексээр  2022 онд Монгол Улс дэлхийн 180 орноос 116 дугаарт жагсжээ. 

Эдийн засаг, хөгжлийн яам, Монголын үндэсний худалдаа аж үйлдвэрийн танхим, Германы хамтын ажиллагааны нийгэмлэг хамтран “Цахим эдийн засаг дэлхийн зах зээлд гарах хөшүүрэг болох нь” сэдэвт хэлэлцүүлгийг 11 дүгээр сарын 24-ны өдөр зохион байгууллаа.  

Эдийн засаг, хөгжлийн яам болон “Монгол Улсад тогтвортой хөгжлийн зорилготой уялдсан төсвийн төлөвлөлтөөр хөдөлмөр эрхлэлтийн шинэчлэлийг дэмжих нь” төсөлтэй хамтран “Үр дүнд суурилсан төлөвлөлт, төсөвлөлт, хяналт-шинжилгээ, үнэлгээ тайлагнал” сэдэвт сургалт, хэлэлцүүлгийг Улсын Их Хурлын Тамгын газар, Сонгуулийн ерөнхий хороо, Үндэсний статистикийн хороо, Авлигатай тэмцэх газар, Үндэсний аудитын газар, Шүүхийн ерөнхий зөвлөл, Дээд шүүх, Төрийн албаны зөвлөл, Монгол банк, Улсын ерөнхий прокурорын газар зэрэг байгууллагуудын төлөөллүүдийг хамруулан зохион байгууллаа.

Эдийн засаг, хөгжлийн Дэд сайд Г.Түвдэндорж Дэлхийн Банкны Хөрөнгө оруулалтын дэмжлэг, сурталчилгааны глобал тэргүүн Армандо Хэйлброн, ахлах зөвлөх Роберт Уайт, ахлах хуульч Завиер Форнерис болон Олон Улсын Санхүүгийн Корпорацийн “Хөрөнгө оруулалтын бодлого” Төслийн удирдагч Д.Жигжидмаа нарыг хүлээн авч уулзлаа.

Тогтвортой хөгжлийн зорилгын хэрэгжилтийг хурдасгуурын замын зураглал боловсруулах хэлэлцүүлгийг 11 дүгээр сарын 03-ны өдөр амжилттай зохион байгууллаа. Хэлэлцүүлэгт төр, хувийн хэвшил, эрдэмтэн судлаачид, залуучууд, иргэний нийгмийн байгууллагуудын төлөөлөл нийт 120 гаруй хүн оролцож, Тогтвортой хөгжлийн зорилгын хэрэгжилтийн 12 хурдасгуур, салбарын хүрээнд тулгамдаж буй асуудал, шийдлийг хэлэлцэж, замын зураглалын төсөлд шаардлагатай санал, зөвлөмжийг нэгтгэн боловсруулжээ.